இயேசு கிறிஸ்துவின் உயிர்த்தெழுதல்: 50 வசனங்கள்

இயேசு கிறிஸ்துவின் உயிர்த்தெழுதல் என்பது கிறிஸ்தவ விசுவாசம் மற்றும் நற்செய்தியின் மூலக்கல்லாகும். இது தேவனின் அன்பு, பாவம் மற்றும் மரணத்தின் மீதான அவரது வெற்றி மற்றும் நித்திய வாழ்வில் நாம் கொண்டிருக்கும் நம்பிக்கையின் நினைவூட்டலாகும். இந்த வலைப்பதிவு இடுகையில், இயேசுவின் மரணம் மற்றும் உயிர்த்தெழுதல் பற்றிய 50 வேத வசனங்களை ஆராய்வோம். உயிர்த்தெழுதல் பற்றிய இந்த வசனங்கள் உங்களை ஊக்குவிக்கும், உங்கள் நம்பிக்கையை வலுப்படுத்தும், மேலும் ஈஸ்டரின் உண்மையான அர்த்தத்தைக் கொண்டாட உதவும். மற்றவர்களுடன் பகிர்ந்து கொள்ள அல்லது தனிப்பட்ட முறையில் சிந்திக்க ஈஸ்டர் வேத வசனங்களை நீங்கள் தேடினாலும், இந்தத் தொகுப்பு படிக்கச் சிறந்தது.

இயேசு கிறிஸ்துவின் உயிர்த்தெழுதல் ஏன் முக்கியமானது?

கர்த்தராகிய இயேசு கிறிஸ்துவின் உயிர்த்தெழுதல் வெறும் வரலாற்று நிகழ்வு மட்டுமல்ல; அது நமது விசுவாசத்தின் அடித்தளமாகும். இயேசு தேவ குமாரன் என்பதையும், சிலுவையில் அவர் செய்த தியாகம் நம்மை பாவத்திலிருந்து இரட்சிக்க போதுமானது என்பதையும் இது நிரூபிக்கிறது. அவரது உயிர்த்தெழுதலின் மூலம், நித்திய ஜீவனின் வாக்குதத்தம், வெற்றிகரமாக நாம் வாழ்வதற்கான சக்தியும் கிடைக்கிறது. அதன் முக்கியத்துவத்தைப் புரிந்துகொள்ள உயிர்த்தெழுதல் பற்றிய இந்த வேத வசனங்களுக்குள் நாம் செல்லுவோம்.

தீர்க்கதரிசனங்கள்: பழைய ஏற்பாட்டில் இயேசுவின் உயிர்த்தெழுதல் பற்றிய வாக்குதத்தம்.

இயேசு பூமியில் நடப்பதற்கு நீண்ட காலத்திற்கு முன்பே தீர்க்கதரிசிகள் கிறிஸ்துவின் உயிர்த்தெழுதலை முன்னறிவித்தனர். பழைய ஏற்பாடு, வரவிருக்கும் இரட்சகருக்காகக் காத்திருந்தவர்களுக்கு நம்பிக்கையை அளித்து, மரணத்தின் மீது மேசியாவின் வெற்றியைப் பற்றி தீர்க்கதரிசனம் கூறியது.

யோபு 19:25 : “என் மீட்பர் உயிரோடிருக்கிறார் என்றும், அவர் கடைசி நாளில் பூமியின்மேல் நிற்பார் என்றும் நான் அறிந்திருக்கிறேன் .”

ஏசாயா 26:19 : “மரித்த உம்முடையவர்கள் பிரேதமான என்னுடையவர்களோடேகூட எழுந்திருப்பார்கள்; மண்ணிலே தங்கியிருக்கிறவர்களே, விழித்துக் கெம்பீரியுங்கள்; உம்முடைய பனி பூண்டுகளின்மேல் பெய்யும் பனிபோல் இருக்கும்; மரித்தோரைப் பூமி புறப்படப்பண்ணும்.”

ஓசியா 13:14 : “அவர்களை நான் பாதாளத்தின் வல்லமைக்கு நீங்கலாக்கி மீட்பேன்; அவர்களை மரணத்துக்கு நீங்கலாக்கி விடுவிப்பேன்; மரணமே, உன் வாதைகள் எங்கே? பாதாளமே, உன் சங்காரம் எங்கே? மனமாறுதல் என் கண்களுக்கு மறைவானதாயிருக்கும்.”
சங்கீதம் 16:10 : “என் ஆத்துமாவைப் பாதாளத்தில் விடீர்; உம்முடைய பரிசுத்தவானை அழிவைக் காணவொட்டீர்.”
சகரியா 12:10 : “நான் தாவீது குடும்பத்தாரின்மேலும் எருசலேம் குடிகளின்மேலும் கிருபையின் ஆவியையும் விண்ணப்பங்களின் ஆவியையும் ஊற்றுவேன்; அப்பொழுது அவர்கள் தாங்கள் குத்தின என்னை நோக்கிப்பார்த்து, ஒருவன் தன் ஒரே பேறானவனுக்காகப் புலம்புகிறதுபோல எனக்காகப் புலம்பி, ஒருவன் தன் தலைச்சன் பிள்ளைக்காகத் துக்கிக்கிறதுபோல எனக்காக மனங்கசந்து துக்கிப்பார்கள்.”

இயேசு தம்முடைய உயிர்த்தெழுதலை முன்னறிவித்தார்

இயேசு தம்முடைய உயிர்த்தெழுதலின் வல்லமையைக் காட்டி, தம்முடைய சீஷர்களுக்குக் கற்பித்தபோது, தாம் மரித்தோரிலிருந்து எழுந்திருப்பதை முன்னறிவித்தார்.

யோவான் 2:19 : “இயேசு அவர்களுக்குப் பிரதியுத்தரமாக: இந்த ஆலயத்தை இடித்துப்போடுங்கள்; மூன்று நாளைக்குள்ளே இதை எழுப்புவேன் என்றார் ”
லூக்கா 24:46 : “எழுதியிருக்கிறபடி, கிறிஸ்து பாடுபடவும், மூன்றாம்நாளில் மரித்தோரிலிருந்தெழுந்திருக்கவும் வேண்டியதாயிருந்தது;“
மத்தேயு 12:40 : “யோனா இரவும் பகலும் மூன்றுநாள் ஒரு பெரிய மீனின் வயிற்றில் இருந்ததுபோல, மனுஷகுமாரனும் இரவும் பகலும் மூன்றுநாள் பூமியின் இருதயத்தில் இருப்பார்.“
யோவான் 14:19 : “இன்னும் கொஞ்சக்காலத்திலே உலகம் என்னைக் காணாது, நீங்களோ என்னைக் காண்பீர்கள்; நான் பிழைக்கிறபடியினால் நீங்களும் பிழைப்பீர்கள்.”
மத்தேயு 20:18-19: “இதோ, எருசலேமுக்குப் போகிறோம்; மனுஷகுமாரன் பிரதான ஆசாரியரிடத்திலும் வேதபாரகரிடத்திலும் ஒப்புக்கொடுக்கப்படுவார்; அவர்கள் அவரை மரண ஆக்கினைக்குள்ளாகத் தீர்த்து, அவரைப் பரியாசம்பண்ணவும், வாரினால் அடிக்கவும், சிலுவையில் அறையவும் புறஜாதியாரிடத்தில் ஒப்புக்கொடுப்பார்கள்; ஆகிலும் மூன்றாம் நாளிலே அவர் உயிரோடே எழுந்திருப்பார் என்றார்.“

இயேசுவின் மரணம் மற்றும் உயிர்த்தெழுதலைச் சுற்றியுள்ள முக்கிய நிகழ்வுகள்

கிறிஸ்து இயேசுவின் சிலுவை மரணம் அவரது மீட்புப் பயணத்தின் தொடக்கத்தைக் குறித்தது. இருப்பினும், உச்சக்கட்டம் அவர் மரித்தோரிலிருந்து மகிமையுடன் உயிர்த்தெழுந்தது ஆகும். இந்த வசனங்கள் இயேசு மூன்றாம் நாளில் மரித்தோரிலிருந்து எவ்வாறு உயிர்த்தெழுந்தார் என்பதை எடுத்துக்காட்டுகின்றன , தீர்க்கதரிசனத்தை நிறைவேற்றி, அவருடைய தெய்வீக சக்தியை நிரூபித்தன.

மாற்கு 15:37 : “ இயேசு மகா சத்தமாய்க் கூப்பிட்டு ஜீவனை விட்டார்.”
மத்தேயு 27:65-66 : “அதற்குப் பிலாத்து: உங்களுக்குக் காவல் சேவகர் உண்டே; போய், உங்களால் கூடியமட்டும் பத்திரப்படுத்திக்கொள்ளுங்கள் என்றான். அவர்கள் போய்க் கல்லுக்கு முத்திரைபோட்டு, காவல்வைத்து, கல்லறையைப் பத்திரப்படுத்தினார்கள்.”
மத்தேயு 28:6 : “அவர் இங்கே இல்லை; தாம் சொன்னபடியே உயிர்த்தெழுந்தார்; கர்த்தரை வைத்த இடத்தை வந்து பாருங்கள்;”
மாற்கு 16:6 : “அவன் அவர்களை நோக்கி: பயப்படாதிருங்கள், சிலுவையில் அறையப்பட்ட நசரேயனாகிய இயேசுவைத் தேடுகிறீர்கள்; அவர் உயிர்த்தெழுந்தார்; அவர் இங்கேயில்லை; இதோ, அவரை வைத்த இடம்.”
லூக்கா 24:6-7 : “அவர் இங்கே இல்லை, அவர் உயிர்த்தெழுந்தார். மனுஷகுமாரன் பாவிகளான மனுஷர் கைகளில் ஒப்புக்கொடுக்கப்படவும், சிலுவையில் அறையப்படவும், மூன்றாம் நாளில் எழுந்திருக்கவும் வேண்டுமென்பதாக அவர் கலிலேயாவிலிருந்த காலத்தில் உங்களுக்குச் சொன்னதை நினைவுகூருங்கள் என்றார்கள்.”
1 கொரிந்தியர் 15:4 : “அடக்கம்பண்ணப்பட்டு, வேதவாக்கியங்களின்படி மூன்றாம்நாளில் உயிர்த்தெழுந்து,”
1 பேதுரு 3:18 : “ஏனெனில், கிறிஸ்துவும் நம்மை தேவனிடத்தில் சேர்க்கும்படி அநீதியுள்ளவர்களுக்குப் பதிலாக நீதியுள்ளவராய்ப் பாவங்களினிமித்தம் ஒருதரம் பாடுபட்டார்; அவர் மாம்சத்திலே கொலையுண்டு, ஆவியிலே உயிர்ப்பிக்கப்பட்டார்.”

இயேசுவின் உயிர்த்தெழுதல்: சாட்சிகளும் கணக்குகளும்

கர்த்தராகிய இயேசு கிறிஸ்துவின் உயிர்த்தெழுதல் ஒரு மறைக்கப்பட்ட நிகழ்வு அல்ல. அவர் உயிர்த்தெழுந்த பிறகு, இயேசு பலருக்குத் தோன்றி, அவர் உயிருடன் இருப்பதை காண்பித்தார். இந்த வசனங்கள் அவருடைய சீடர்களுக்கும் மற்றவர்களுக்கும் அவர் தோன்றியதை விவரிக்கின்றன.

யோவான் 20:27 : “பின்பு அவர் தோமாவை நோக்கி: நீ உன் விரலை இங்கே நீட்டி, என் கைகளைப் பார், உன் கையை நீட்டி, என் விலாவிலே போடு, அவிசுவாசியாயிராமல் விசுவாசியாயிரு என்றார்.”
அப்போஸ்தலர் 1:3 : “அவர் பாடுபட்டபின்பு, நாற்பது நாளளவும் அப்போஸ்தலருக்குத் தரிசனமாகி, தேவனுடைய ராஜ்யத்துக்குரியவைகளை அவர்களுடனே பேசி, அநேகம் தெளிவான திருஷ்டாந்தங்களினாலே அவர்களுக்குத் தம்மை உயிரோடிருக்கிறவராகக் காண்பித்தார்.“
மாற்கு 16:8 : “நடுக்கமும் திகிலும் அவர்களைப் பிடித்தபடியால், அவர்கள் சீக்கிரமாய் வெளியே வந்து, கல்லறையை விட்டு ஓடினார்கள்; அவர்கள் பயந்திருந்தபடியினால் ஒருவருக்கும் ஒன்றும் சொல்லாமற்போனார்கள்.”
மாற்கு 16:9 : “வாரத்தின் முதலாம் நாள் அதிகாலையிலே இயேசு எழுந்திருந்தபின்பு, மகதலேனா மரியாளுக்கு முதல்முதல் தரிசனமானார்.”
லூக்கா 24:34 : “கர்த்தர் மெய்யாகவே உயிர்த்தெழுந்து சீமோனுக்குத் தரிசனமானார் என்று அவர்கள் சொல்லக்கேட்டு“
யோவான் 20:19 : “வாரத்தின் முதல்நாளாகிய அன்றையத்தினம் சாயங்காலவேளையிலே, சீஷர்கள் கூடியிருந்த இடத்தில், யூதர்களுக்குப் பயந்ததினால் கதவுகள் பூட்டியிருக்கையில், இயேசு வந்து நடுவே நின்று: உங்களுக்குச் சமாதானம் என்றார்.”
லூக்கா 24:36-39 : “இவைகளைக்குறித்து அவர்கள் பேசிக்கொண்டிருக்கையில், இயேசு தாமே அவர்கள் நடுவிலே நின்று: உங்களுக்குச் சமாதானம் என்றார். அவர்கள் கலங்கி, பயந்து, ஒரு ஆவியைக் காண்கிறதாக நினைத்தார்கள். அவர் அவர்களை நோக்கி: நீங்கள் ஏன் கலங்குகிறீர்கள்; உங்கள் இருதயங்களில் சந்தேகங்கள் எழும்புகிறதென்ன? நான்தான் என்று அறியும்படி, என் கைகளையும் என் கால்களையும் பாருங்கள், என்னைத் தொட்டுப்பாருங்கள்; நீங்கள் காண்கிறபடி, எனக்கு மாம்சமும், எலும்புகளும் உண்டாயிருக்கிறதுபோல ஒரு ஆவிக்கு இராதே என்று சொல்லி.”
1 கொரிந்தியர் 15:5-8 : “கேபாவுக்கும், பின்பு பன்னிருவருக்கும் தரிசனமானார். அதன்பின்பு அவர் ஐந்நூறுபேருக்கு அதிகமான சகோதரருக்கும் ஒரேவேளையில் தரிசனமானார்; அவர்களில் அநேகர் இந்நாள்வரைக்கும் இருக்கிறார்கள், சிலர் மாத்திரம் நித்திரையடைந்தார்கள். பின்பு யாக்கோபுக்கும், அதன்பின்பு அப்போஸ்தலரெல்லாருக்கும் தரிசனமானார். எல்லாருக்கும் பின்பு, அகாலப்பிறவிபோன்ற எனக்கும் தரிசனமானார்.“
மத்தேயு 28:9 : “அவர்கள் அவருடைய சீஷர்களுக்கு அறிவிக்கப்போகிறபோது, இயேசு தாமே அவர்களுக்கு எதிர்ப்பட்டு: வாழ்க என்றார். அவர்கள் கிட்டவந்து, அவர் பாதங்களைத் தழுவி, அவரை பணிந்துகொண்டார்கள்.”
யோவான் 21:14 : “இயேசு மரித்தோரிலிருந்தெழுந்த பின்பு தம்முடைய சீஷருக்கு அருளின தரிசனங்களில் இது மூன்றாவது தரிசனம்.”

வெற்று கல்லறை பற்றிய ஈஸ்டர் வேத வசனங்கள்

வெறுமை கல்லறை, இயேசு மரணத்தின் மீது வெற்றி சிறந்தார் என்பதற்க்கு வலிமையான அடையாளமாகும். இந்த வசனங்கள், இயேசு மரித்தோரிலிருந்து உயிர்த்தெழுந்தார் என்பதை சீடர்கள் கண்டுபிடித்த தருணத்தை விவரிக்கின்றன .

யோவான் 20:1 : “வாரத்தின் முதல்நாள் காலையில், அதிக இருட்டோடே, மகதலேனா மரியாள் கல்லறையினிடத்திற்கு வந்து கல்லறையை அடைத்திருந்த கல் எடுத்துப்போட்டிருக்கக்கண்டாள்.”
லூக்கா 24:2-3 : “கல்லறையை அடைத்திருந்த கல்புரட்டித் தள்ளப்பட்டிருக்கிறதைக் கண்டு,உள்ளே பிரவேசித்து, கர்த்தராகிய இயேசுவின் சரீரத்தைக் காணாமல்,”
மாற்கு 16:4-5 : “அந்தக் கல் மிகவும் பெரிதாயிருந்தது; அவர்கள் ஏறிட்டுப்பார்க்கிறபோது, அது தள்ளப்பட்டிருக்கக் கண்டார்கள். அவர்கள் கல்லறைக்குள் பிரவேசித்து, வெள்ளையங்கி தரித்தவனாய் வலதுபக்கத்தில் உட்கார்ந்திருந்த ஒரு வாலிபனைக் கண்டு பயந்தார்கள்.”
மத்தேயு 28:2 : “அப்பொழுது, பூமி மிகவும் அதிரும்படி, கர்த்தருடைய தூதன் வானத்திலிருந்திறங்கிவந்து, வாசலிலிருந்த கல்லைப் புரட்டித் தள்ளி, அதின்மேல் உட்கார்ந்தான்.”
யோவான் 20:11-12 : “மரியாள் கல்லறையினருகே வெளியே நின்று அழுதுகொண்டிருந்தாள்; அப்படி அழுதுகொண்டிருக்கையில் அவள் குனிந்து கல்லறைக்குள்ளே பார்த்து, இயேசுவின் சரீரம் வைக்கப்பட்டிருந்த இடத்திலே வெள்ளுடை தரித்தவர்களாய் இரண்டு தூதர்கள், தலைமாட்டில் ஒருவனும் கால்மாட்டில் ஒருவனுமாக, உட்கார்ந்திருக்கிறதைக் கண்டாள்.”

கிறிஸ்துவின் உயிர்த்தெழுதலைக் கொண்டாட வேத வசனங்கள்

கர்த்தராகிய இயேசு கிறிஸ்துவின் உயிர்த்தெழுதலைக் கொண்டாடுவது ஈஸ்டர் காலமாகும் . இந்த வசனங்கள் மரணத்தின் மீதான அவரது வெற்றியிலிருந்து வரும் மகிழ்ச்சியையும் நம்பிக்கையையும் நமக்கு நினைவூட்டுகின்றன.

ரோமர் 6:9 : “மரித்தோரிலிருந்து எழுந்த கிறிஸ்து இனி மரிப்பதில்லையென்று அறிந்திருக்கிறோம்; மரணம் இனி அவரை ஆண்டு கொள்ளுவதில்லை.”
பிலிப்பியர் 3:10 : “இப்படி நான் அவரையும் அவருடைய உயிர்த்தெழுதலின் வல்லமையையும், அவருடைய பாடுகளின் ஐக்கியத்தையும் அறிகிறதற்கும், அவருடைய மரணத்திற்கொப்பான மரணத்திற்குள்ளாகி, எப்படியாயினும் நான் மரித்தோரிலிருந்து உயிரோடெழுந்திருப்பதற்குத் தகுதியாகும்படிக்கும்.“
அப்போஸ்தலர் 2:24 : “தேவன் அவருடைய மரண உபாதிகளின் கட்டை அவிழ்த்து, அவரை எழுப்பினார்; அவர் மரணத்தினால் கட்டப்பட்டிருக்கக்கூடாதிருந்தது.“
கொலோசெயர் 2:12 : “ஞானஸ்நானத்திலே அவரோடேகூட அடக்கம்பண்ணப்பட்டவர்களாகவும், அதிலே அவரை மரித்தோரிலிருந்தெழுப்பின தேவனுடைய செயலின் மேலுள்ள விசுவாசத்தினாலே அவரோடகூட எழுந்தவர்களாகவும் இருக்கிறீர்கள்.“

உயிர்த்தெழுதலின் வல்லமை பற்றிய வேத வசனங்கள்

கிறிஸ்து இயேசுவின் உயிர்த்தெழுதல் பாவம் மற்றும் மரணத்தின் மீது தேவனின் வல்லமையை விவரிக்கிறது. இந்த வசனங்கள் நம் வாழ்க்கையை அவரது உயிர்த்தெழுதலின் மூலம் மறுரூபப்படுத்தும் வல்லமையை எடுத்துக்காட்டுகின்றன.

எபேசியர் 1:19-20 : “தாம் கிறிஸ்துவை மரித்தோரிலிருந்து எழுப்பி, அவரிடத்தில் நடப்பித்த தமது பலத்த சத்துவத்தின் வல்லமைப்படியே விசுவாசிக்கிறவர்களாகிய நம்மிடத்திலே காண்பிக்கும் தம்முடைய வல்லமையின் மகா மேன்மையான மகத்துவம் இன்னதென்றும், நீங்கள் அறியும்படிக்கு, அவர் உங்களுக்குப் பிரகாசமுள்ள மனக்கண்களைக் கொடுக்கவேண்டுமென்றும் வேண்டிக்கொள்ளுகிறேன். எல்லாத் துரைத்தனத்துக்கும், அதிகாரத்துக்கும், வல்லமைக்கும், கர்த்தத்துவத்துக்கும், இம்மையில் மாத்திரமல்ல மறுமையிலும் பேர்பெற்றிருக்கும் எல்லா நாமத்துக்கும் மேலாய் அவர் உயர்ந்திருக்கத்தக்கதாக.“
ரோமர் 8:11 : “அன்றியும் இயேசுவை மரித்தோரிலிருந்து எழுப்பினவருடைய ஆவி உங்களில் வாசமாயிருந்தால், கிறிஸ்துவை மரித்தோரிலிருந்து எழுப்பினவர் உங்களில் வாசமாயிருக்கிற தம்முடைய ஆவியினாலே சாவுக்கேதுவான உங்கள் சரீரங்களையும் உயிர்ப்பிப்பார்.“
1 கொரிந்தியர் 6:14 : “தேவன் கர்த்தரை எழுப்பினாரே, நம்மையும் தமது வல்லமையினாலே எழுப்புவார்.“
ரோமர் 1:5 : “மாம்சத்தின்படி தாவீதின் சந்ததியில் பிறந்தவரும், பரிசுத்தமுள்ள ஆவியின்படி தேவனுடைய சுதனென்று மரித்தோரிலிருந்து உயிர்த்தெழுந்ததினாலே பலமாய் ரூபிக்கப்பட்ட தேவகுமாரனுமாயிருக்கிறார்.“

இயேசுவின் உயிர்த்தெழுதலின் மேன்மை பற்றி அவருடைய விசுவாசிகளுக்கு

2 தீமோத்தேயு 2:8 – “தாவீதின் சந்ததியில் பிறந்த இயேசுகிறிஸ்து, என் சுவிசேஷத்தின்படியே, மரித்தோரிலிருந்தெழுப்பப்பட்டவரென்று நினைத்துக்கொள்.”
2 கொரிந்தியர் 5:15 : “பிழைத்திருக்கிறவர்கள் இனித் தங்களுக்கென்று பிழைத்திராமல், தங்களுக்காக மரித்து எழுந்தவருக்கென்று பிழைத்திருக்கும்படி, அவர் எல்லாருக்காகவும் மரித்தாரென்றும் நிதானிக்கிறோம்.“
ரோமர் 6:4 : “மேலும் பிதாவின் மகிமையினாலே கிறிஸ்து மரித்தோரிலிருந்து எழுப்பப்பட்டதுபோல, நாமும் புதிதான ஜீவனுள்ளவர்களாய் நடந்துகொள்ளும்படிக்கு, அவருடைய மரணத்திற்குள்ளாக்கும் ஞானஸ்நானத்தினாலே கிறிஸ்துவுடனேகூட அடக்கம்பண்ணப்பட்டோம்.”
கொலோசெயர் 3:1 : “நீங்கள் கிறிஸ்துவுடன்கூட எழுந்ததுண்டானால், கிறிஸ்து தேவனுடைய வலதுபாரிசத்தில் வீற்றிருக்கும் இடத்திலுள்ள மேலானவைகளைத் தேடுங்கள்.
1 கொரிந்தியர் 15:17 : “கிறிஸ்து எழுந்திராவிட்டால், உங்கள் விசுவாசம் வீணாயிருக்கும்; நீங்கள் இன்னும் உங்கள் பாவங்களில் இருப்பீர்கள்.“
ரோமர் 4:25 : “அவர் நம்முடைய பாவங்களுக்காக ஒப்புக்கொடுக்கப்பட்டும், நாம் நீதிமான்களாக்கப்படுவதற்காக எழுப்பப்பட்டும் இருக்கிறார்.“
2 கொரிந்தியர் 4:14 : “கர்த்தராகிய இயேசுவை எழுப்பினவர் எங்களையும் இயேசுவைக்கொண்டு எழுப்பி, உங்களுடனேகூடத் தமக்குமுன்பாக நிறுத்துவாரென்று அறிந்திருக்கிறோம்.”
1 பேதுரு 1:4 : “அவர், இயேசுகிறிஸ்து மரித்தோரிலிருந்து எழுந்ததினாலே, அழியாததும் மாசற்றதும் வாடாததுமாகிய சுதந்தரத்திற்கேதுவாக, ஜீவனுள்ள நம்பிக்கை உண்டாகும்படி, தமது மிகுந்த இரக்கத்தின்படியே நம்மை மறுபடியும் ஜெநிப்பித்தார்.”
ரோமர் 8:34 : “ஆக்கினைக்குள்ளாகத் தீர்க்கிறவன் யார்? கிறிஸ்துவே மரித்தவர்; அவரே எழுந்துமிருக்கிறவர்; அவரே தேவனுடைய வலதுபாரிசத்திலும் இருக்கிறவர்; நமக்காக வேண்டுதல் செய்கிறவரும் அவரே.”

உயிர்த்தெழுதலில் நாம் கொண்டிருக்கும் நம்பிக்கையைப் பற்றிய வேத வசனங்கள்

இயேசுவின் உயிர்த்தெழுதல் நமக்கு நித்திய ஜீவனுக்கான நம்பிக்கையைத் தருகிறது. அவரை ஜீவிக்கிறபடியால், நாமும் வாழ்வோம் என்பதை இந்த வசனங்கள் நமக்கு நினைவூட்டுகின்றன.

யோவான் 11:25-26 : “இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்; உயிரோடிருந்து என்னை விசுவாசிக்கிறவனெவனும் என்றென்றைக்கும் மரியாமலும் இருப்பான்; இதை விசுவாசிக்கிறாயா? என்றார்.”
1 கொரிந்தியர் 15:20-22 : “கிறிஸ்துவோ மரித்தோரிலிருந்தெழுந்து, நித்திரையடைந்தவர்களில் முதற்பலனானார். மனுஷனால் மரணம் உண்டானபடியால், மனுஷனால் மரித்தோரின் உயிர்த்தெழுதலும் உண்டாயிற்று. ஆதாமுக்குள் எல்லாரும் மரிக்கிறதுபோல, கிறிஸ்துவுக்குள் எல்லாரும் உயிர்ப்பிக்கப்படுவார்கள்.”
யோவான் 14:19 : “இன்னும் கொஞ்சக்காலத்திலே உலகம் என்னைக் காணாது, நீங்களோ என்னைக் காண்பீர்கள்; நான் பிழைக்கிறபடியினால் நீங்களும் பிழைப்பீர்கள்.”
1 தெசலோனிக்கேயர் 4:14 : “இயேசுவானவர் மரித்து பின்பு எழுந்திருந்தாரென்று விசுவாசிக்கிறோமே; அப்படியே இயேசுவுக்குள் நித்திரையடைந்தவர்களையும் தேவன் அவரோடேகூடக் கொண்டுவருவார்.“
ரோமர் 6:5 : “ஆதலால் அவருடைய மரணத்தின் சாயலில் நாம் இணைக்கப்பட்டவர்களானால், அவர் உயிர்த்தெழுதலின் சாயலிலும் இணைக்கப்பட்டிருப்போம்.“
2 தீமோத்தேயு 2:11 : “இந்த வார்த்தை உண்மையுள்ளது; என்னவெனில், நாம் அவரோடேகூட மரித்தோமானால், அவரோடேகூடப் பிழைத்துமிருப்போம்;“
எபிரெயர் 7:25 : “மேலும், தமது மூலமாய் தேவனிடத்தில் சேருகிறவர்களுக்காக வேண்டுதல்செய்யும்படிக்கு அவர் எப்பொழுதும் உயிரோடிருக்கிறவராகையால் அவர்களை முற்றுமுடிய இரட்சிக்க வல்லவராயுமிருக்கிறார்.”

கிறிஸ்துவின் உயிர்த்தெழுதல் பற்றிய வேத வசனங்கள்: நம்பிக்கையில் மகிழ்ச்சி.

இயேசு கிறிஸ்துவின் உயிர்த்தெழுதல் தேவனின் வல்லமை, உண்மைத்தன்மை மற்றும் மனிதகுலத்தின் மீதான அவரது அன்பு ஆகியவற்றின் இறுதி சான்றாகும். விசுவாசிகளாகிய நாம், அவருடைய வெற்றியின் ஒளியில் வாழவும், விசுவாசத்தில் நடந்து, இந்த நம்பமுடியாத உண்மையை மற்றவர்களுடன் பகிர்ந்து கொள்ளவும் அழைக்கப்பட்டுள்ளோம்.

இந்த ஈஸ்டர் காலத்தில் அல்லது எந்த நேரத்திலும், இயேசுவின் உயிர்த்தெழுதல் பற்றிய இந்த வேத வசனங்கள் உங்களை ஊக்குவிக்கட்டும். இயேசு கல்லறையிலிருந்து உயிர்த்தெழுந்ததால் நமக்குக் கிடைத்த நம்பிக்கையிலும் மகிழ்ச்சியிலும் களிக்கூறுங்கள்!