दुनिया महामारी(मतलब कोविट-१९) से गुजरेक लाईघे।ई महामारी कर शुरूवात चीन देश में होलक, लेकिन ईठो एतना जल्दी से फाईल गेलक कि सागरो दुनिया के एक ठांव में राईख देलक।
विकसित, विकासशील और अविकसित देश एक जैसन ईकर से प्रभावित होई हे। केखो भी नी छोड़लक। प्रभावित आदमी मनकर और ई महामारी कर चलते अपन जान गवाएक वाला आदमी मनकर गिनती बढ़ेक कर संगे-संगे, हमीन दुनिया भाईर कर आदमी मनकर दिल में “का करब का नि करब” कर चिन्ता में देखिला।
सोबकर दिमाग में एगो बड़का सवाल बाईठ जायहे कि, ई महामारी कहिया खतम होवी? हमिन दुनिया के फिर से पहले जैसन कहिया देखेक पाओब? का दुनिया ओहे नियर होवी जैसन पहले रहे? जेखन सधारन आदमी मनकर बात आवेला तो सवाल बगरा हमर खुद कर होई जायला।
का हमरे मन ई महामारी से बाचेक पारोब? का हमर परिवार कर बुजुर्ग मने ईकर से बाचेक पारबै? दुनिया भाईर कर आर्थिक गतिविधि एक संगे ठप पाईड़ जायेक कर बाद का हमरे ठिना कोनो नौकरी रही? जे मने स्कूल और कोलेज कर पढ़ाई पुरा काईर चुकलाय उमन कर सवाल ईठो हाईक कि का कहियो अपन लागिन कोनो नौकरी और जिविका पावेक साकोब?
जब हमरे ई सोब सवाल के ध्यान से सोचिला जे सोबकर दिल में भीतरे से बाईस जायहे, हमरे ई सोभे सवाल कर जवाब पावेक लागिन नाई सकिला।हां हमरे ऐसन समय में आय जाय हीं जेकर कोनो जानकारी नाईखे। जैसन कि हमरे मन आपन जीविका, जेके हमरे माया करिला और आपन खुद कर जीवन के खतरा में पाविला, तो एगो सवाल आहे जेकर जवाब मिलेक जरूरी आहे, कि का हमरे मन ऐसन बेरा में कोनो भी चीज में अच्छा पावेक लागिन सकिला? जवाब हेके ‘हां’!
जब हमरे बाईबल में पढ़ीला,जेकर में एगो वचन आहे जे हमरे कर ध्यान के अपन ओर खींचेला,ऊठो “इब्रानियों १३:५” में आहे, जे बतायला, “…कालेकि परमेश्वर गो कहलक, “मोय तोके कहियो भी नी छोड़बु,और न तोके कहियो अपन से दुरिया करबु। जेखन प्रभु हमर परमेश्वर गो कहेला, कि मोय तोके कहियो भी नी छोड़बु, इकर माने गो बहुत गहरा आहे।कोनो फरक नी पड़ेला कि हमर जीवन कर हालत कैसन आहे।भले हमरे कर नौकरी कर आसरा धुमाईल दिसेला, भले हमरे खुद कर और जेके हमरे माया करिला ऊमन कर सेहत और जे कुछ ऊमन ठीना आहे कोनो आसरा नी दिसेला, लेकिन एगो बात आहे जेके हमरे बिना कोनो चिनता कर आगे देखेक लागिन सकिला, ऊठो हेके परमेश्वर कर कहियो नी बदलेक वाला वचन जे कहेला कि मोय तोके कहियो नी छोड़बु और न ही कहियो अपन से अलग करबु। अगर हमरे परमेश्वर उपरे भरोसा और विश्वास करिला,तो निरासा कर बीच में हमरे आसरा पावेक सकिला।
बाईबल “यूहन्ना ३:१६” में कहेला कि “परमेश्वर गो जगत से ऐसन प्रेम करलक कि ऊठो आपन एके गोटा बेटा के देई देलक, ई-लागिन जे केहो उकर में विश्वास करी, उ नाश नी होवी, लेकिन जिनगी-जुग कर जीवन पावी। सवाल ई हाईक कि का हमरे मन यीशु मसीह कर से परमेश्वर कर कभी नी बदलेक वाला प्रेम में आपन विश्वास के राईखीं? जे ऐसन बिना आसरा कर बेरा में हमरे के सफल बनाई, कि हमरे उकर वायदा के धाईर के राखोब जे कि उ हमरे के कभी नी छोड़ी और न कभी अपने से अलग करी।
ई छोटे सन लेख कर माध्यम से हमरे पढ़ेक वाला मन के प्रोत्साहित करेक लागिन चाहिला कि रौरे मन प्रभु यीशु मसीह के प्रभु और उद्धारकर्ता कर रूप में उकर उपरे भरोसा करबा।जेकर से यीशु मसीह में आपन जगह के लिके बिना कोनो चिन्ता कर रहेक पारबा चाहे आवेक वाला बेरा में जे कोनो होवी।