का हेके जे सच्चा सुख देवेक सकेला?
अखिर में हर केऊ अपन जीनगी में सुखी राहेक चाहेना।हमरे अलग-अलग तरीका से खुद के खुस राखेक कर कोशिश करीला।केऊ पैसा कमाए के,केऊ अपन माया करेक वाला मन संगे खुस रहेक कर कोशिश करेना।हमरे सोचिला कि जेखन हमरे अपन जीनगी में कोनो पुरा होई जायला तखन हमरे खुस होवेक सकीला,जैसन कि शादी करेक,आयो-आबा बनेक,घर कर मालिक बनेक,अच्छा नौकरी और अच्छा तलब पावेक आदि।लेकिन का रौरे ई सोब से खुश आहा?ई सोब कर बाद भी,का रौरे एखन भी खालीपन महसूस कारा था?अपन सोभे कोशिश करेक कर बाद में भी,का रौरे हमेशा उ एगो चीज कर बिना ही रहल जेकर सचमे रौरे मन के जरूरत आहे?
दुनिया भईर में खुशी के खोजेक
साल २०१९ कर वल्र्ड हैप्पीनेस रिपोर्ट कर अनुसार,दुनिया भईर में नकारात्मक भावना बढ़ेक लाईघे।रिपोर्ट में ई भी बतल जाहे कि २००५ कर डेटा कर आधार में संसार भईर कर खुशी समय कर साथ कैसन बदईल जाहे।ई एगो चिन्ता कर बात हेके:दुनिया भईर में उल्टा सोच-चिन्ता,उदास और गुस्सा-२०१० से २०१८ तक लगभग २७ प्रतिशत बईढ़ जाहे।अगर हमरे दुनिया भईर में देखिला,तो हमरे देखेक सकिला कि ई सच हेके।केखो भी अचम्भा होवी कि ई दुनिया कहां जाएक लाईघे।दिनेक दिन हमरे रोज झगड़ा,आतंकी मन कर हमला,महामारी, प्रकृति कर विनाश कर बारे में समाचार में सुनिला,और ई दिन बीतेक कर संगे-संगे बढ़ते चाईल जाथे।ऐसन हालत में केऊ कैसन खुश रहेक सकेना?
सच्चा खुशी कर राज
एगो मनवा कर रूप में,हमरे ठिना ७० से ८० साल तक कर जीनगी आहे।हमरे के दुखी होवेक या कोनो चीज कर चिन्ता करेक कर बजाय अपन जीनगी के खुशी में बिताएक चाहि।हमरे असल शांति कैसन पावेक सकिला?हमरे मन कर शांति और खुशी कर खोज मे धन-संपत्ति कर के छोड़ेक वाला केतना आदमी मनकर कहानी के सुनिला।असल में एगो डहर तो होवेक चाहि।बाईबल में एगो वचन आहे(गलतियों ५:२२)जे कहेला,“लकिन आत्मा कर फल प्रेम,आनन्द,शांति,धीरज,दया,विश्वास,नमरता और संयम राखेक हेके”।अगर हमरे ठीना ई सोभे गुण आहे तो हमरे ई पृथ्वी कर सोबसे धन्य मन हेकी।हमरे ई के कैसन पावेक सकोब?ई वचन एगो आत्मा कर बारे में बतायला।अगर हमरे बाईबल के पढ़ीला,तो हमरे मन देखेक पाविला कि जे आत्मा कर बारे में लिखल आहे उ पवित्र आत्मा हेके,जे हमरे कर जीनगी में आवेला जेखन हमरे यीशु मसीह के अपन प्रभु और उद्धारकर्ता कर रूप में अपनाईला।
ईके महसूस करल जायला
आईज दुनिया भाईर में लाखों लोग मन अपन दिल में असल आनन्द के महसूस करेना कालेकि उमन कर पाप धोवाय चुईखे।उमन के ई बात पता आहे कि उ मन कर जीनगी और उ मन कर आसे-पासे बा उ मन कर संगे जे कुछ भी होवेला उके प्रभु यीशु मसीह समढ़ाय के रखेला और उमन कर भलाई कर लागिन होवी।ई मन कर दिल में आनन्द आहे कालेकि उ मन जानेना कि मोरेक कर बाद में भी उ मन ठीना खुशी से भरल जीनगी जुग कर जीवन आहे।और एगो वचन(भजन १६:११)में,भजनकार परमेश्वर से प्रार्थना करेला“तोय मोके जीवन कर डहर देखाबे;तोर ठीना आनन्द कर भरपूरी आहे,तोर दहिना हाथ में सुख हमेशा बनल रहेला।परमेश्वर से मिलेक वाला आनन्द भरल,जीनगी जुग कर और साफा आहे।कोनो दुसरा अनुभव रौरे के ऐसन संतुस्टी देवेक नी सकेला।अपन उपरे होवेक वाला हरेक सतावट कर बाद में भी प्रेरित पौलुस कहेला,“मोरेक लाभ हेके”।सोभे मनवा कर अन्तिम डर मोरेक हेके।लेकिन यीशु मसीह जे आनन्द देवेला,उठो उके भी पार करेक सकेला।का रौरे ई रोज दिन कर आनन्द के महसूस करेक चाहाला?यीशु मसीह के अपन उद्धारकर्ता कर रूप में अपनावा।अपन सोभे पाप से छुटकारा पावा,रौरे कर बीतल बात मीट जाई,और रौरे मन फिर से आनन्द से भरल दिल कर संगे नया जनम लेवेक सकबा-उद्धार कर आनन्द।कालेकि परमेश्वर गो संसार से ऐसन प्रेम राखलक कि उ अपन एके गोटा बेटा के देई देलक,ई लागिन जे केहो उकर में विश्वास करी,ई नाश नी होवी,लेकिन उ जीनगी जुग कर जीवन पावी।यूहन्ना ३:१६
प्रभु परमेश्वर रौरे के रौर जीवन में ई जीनगी जुग कर आनन्द के पावेक लागिन मदद करी।