यीशु गो उकर से कहलक, “डहर सच्चाई और जीवन मोहे हेको…”
यूहन्ना १४:६
पूरा इतिहास में केऊ भी ईकर जैसन अधिकार कर साथ और असर करेक वाला बात के नी राईखाय।केतना आदमी मने रास्ता देखाएक कर कोशिश कारलय,काय झन सच्चाई कर बात के पता लगाएक कर कोशिश कारलय और बहुत मने जिनगी कर अंदाज लगाएक कर और उकर रहस्य कर बात के जानेक कर कोशिश कारा थैं।
लेकिन केऊ भी ऐसन नी कहलाय:“मोय डहर,सच्चाई और जीनगी हेको,”यीशु के छोईड़ के।
रौरे यीशु के अपनैक नी चाहोल या उके अपनैक चाहोल,जे भी रौरे मन चुईन लेबा लेकिन उकर से बाचेक नी पारबा।
“रौरे सच्चाई के जानबा,और सच्चाई रौरे के आजाद करी।“-यूहन्ना ८:३२
का चीज मन से छोड़ाई?
•नेक-नियम,संस्कृत और कोनो आदत कर बंधन से।
•सफल नी होवेक और खराब जीनगी से।
•मोरेक और मोरेक कर बाद कर जीनगी,आवेक वाला दिन में का होवी सेकर डर।
•खालीपन और अपने आप के एकला समझेक,जीनगी से कोनो हराएक कर चिन्ता,और
जीनगी भाईर कर खालीपन के बेकार कर कोशिश काईर के भारेक।
•आगे बढ़ेक और उकर संगे जीनगी में कुछ अच्छा पावेक कर सोच पुरा नी होवेक।
•परमेश्वर से सुख और शांति पावेक कर बेकार कर कोशिश।
आदमी मन कर मन मे बन्धैक और हेराय जाएक कर सोच आहे और बाईबल सिखायला कि ई हेराय जाएक कर सोच ई बात के देखायला कि हमरे मन ई हेराल दुनिया में रहीला।
हमिन सोभे पाप कर बिमारी में आहीं:
“…ई-लागिन सउब हर पाप काईर हंय और ईश्वर कर महीमा से दुरिया आहंय,”(रोमियो ३:२३)।
हमरे कर अच्छा से अच्छा कोशिश करेक कर बाद भी,हमरे खुद के उ गलत काम कर बोझा से छोड़ाएक नी पारिला जे हमरे के बनाएक वाला से दुरिया कारा थे।परमेश्वर गो हमरे कर पाप से जनमल समस्या कर समाधान करेक लागिन अपन बेटा के भेजलक।
“कालेकि ईश्वर संसार से ऐसन प्रेम करलक,कि उ अपन एके गोटा बेटा के देई देलक,ई लागिन जे केहो उकर में विश्वाश करी,उ नाश नी होवी,लेकिन उ जीनगी जुग कर जीवन पावी।“(योहन्ना ३:१६)
यीशु मसीह में हमर खुदकर विश्वास ही परमेश्वर तक पुगेक कर डहर हेके।आईज रौरे अपन जीनगी और दिल के यीशु मसीह के चढ़ाय के उकर भीरे आवेक पारबा।बाईबल कहेला…
“जितना झन उके ग्रहन करलाय,उगो उमनके ईश्वर कर बेटा-बेटी होवेक कर अधिकार देलक माने उमनके जेमन उकर नाम में विश्वास करेना।“(यूहन्ना १:१२)
यीशु सच्चाई हेके।उकर उपरे विश्वास करा और उगो राउरे मन के सचमे छुटकारा देवि।